(ኢኮባ ነሐሴ 16 ቀን 2015 ኣ.ም)፡- ለኢትዮጵያ ኮንስትራክሽን ባለስልጣን በመንግስት የተሾሙት ም/ዋና ዳይሬክተሮች ከተቋሙ አመራሮች ጋር ትውውቅ አካሄዱ::

ኢ/ር ደረጀ አረጋኸኝ የግንባታዎች ቁጥጥር ዘርፍ ም/ዋና ዳይሬክተር፤ ዶ/ር ሙአዝ በድሩ የምዝገባና ስታንዳርዳይዜሽን ዘርፍ ም/ዋና ዳይሬክተር ሆነው በመንግስት በቅርቡ ተሾመዋል፡፡

አመራሮቹ ነሐሴ 16 ቀን 2015 ዓ.ም ከተቋሙ አመራሮች ጋር የትውውቅ ፕሮግራም አካሂደዋል፡፡ የባለስልጣን ተቋሙ ራዕይ፣ ተልዕኮ፣ ዓላማዎች እና ተግባራት እንዲሁም የተቋሙ የመካከለኛ ዘመን ስትራተጅክ ዕቅድ ላይም ገለፃ ተደርጎላቸዋል፡፡ በተጨማሪም የ2015 ዕቅድ አፈፃፀም እና የ2016 በጀት ኣመት ዕቅድ ላይም ማብራሪያ ቀርቧል፡፡ የትውውቅ ፕሮግራም እና ማብራሪያውን ተከትሎ አመራሮቹ ተቋሙ እስካሁን ያስመዘገባቸውን ስኬታማ ውጤቶች በላቀ ሁኔታ አጠናክሮ ለማስቀጠል፤ የነበሩ ክፍተቶችንም ለማረም ከተቋሙ አመራሮች እና ሰራተኞች ጋር በትጋት እና በቁርጠኝነት ርብርብ እንደሚደረግ መናገራቸውን ከዋና ዳይሬክተር ጽ/ቤት የተገኘ መረጃ አመላክቷል፡፡